الأسئلة الأكثر تكراراً

هل لديك أسئلة؟ لدينا إجابات على جميع استفساراتك وأكثر

أسئلة عامة
كيف بقدر افتح محفظة Orange Money؟

هلأ صار بإمكانك تفتح محفظة Orange Money مجانا وإنت بالبيت وتقوم بعملية التسجيل الذاتي لتفعّل محفظتك تلقائياً، و تقدر تستلم راتبك و تدفع لحاجاتك الأساسية مثل الخبز والدواء والمواد التموينية، وتشحن خطك وتدفع فواتيرك وتحوّل وتستقبل الأموال بسهولة.

  •  من خلال موبايلك (التسجيل الذاتي)
    بتقدر تفتح حسابك من خلال الخطوات التالية:
    التسجيل الذاتي
    •  نزّل التطبيق من Apple Store ، Play Store أو HUAWEI AppGallery مباشرة على موبايلك
    • أنشئ ملفك الشخصي باستخدام التسجيل الذاتي على التطبيق
    • أدخل رقم موبايلك ومعلوماتك الشخصية
    • بعد هيك رح توصلك رسالة قصيرة بتخبرك انه تم فتح محفظتك بنجاح
  • بتقدر تزور أي من نقاط البيع المعتمدة أو شركائنا (عملية التسجيل الكاملة) ما عليك إلا تعبّي نموذج فتح المحفظة وتقدّم الوثائق المطلوبة

مين بيقدر يفتح محفظة Orange Money؟
  •  أي شخص أو شركة معهم رقم خلوي أردني فعال بيقدروا يفتحوا محفظة Orange Money.
هل تحتاج لحساب بنك عشان استخدم Orange Money؟
  • لأ ما رح تحتاج لحساب بنكي؛ كل اللي بتحتاجه هو رقم خلوي أردني فعال وأي من الوثائق التالية سارية المفعول: هوية شخصية، جواز سفر أو هوية الشركة.
كم رسوم فتح محفظة Orange Money؟
  • عملية فتح محفظة Orange Money مجانية.
شو بقدر اعمل بمحفظتي؟
  •  إعادة شحن حساباتOrange المدفوعة مسبقاً
  •  دفع فواتير Orange
  •  الدفع للمشتريات
  •  الوصول لكل خدمات eFAWATEERcom "أكثر من 200 مفوتر"
  •  إرسال الحوالات المحلية والدولية
  •  السحب والإيداع من خلال معارض Orange, نقاط البيع المعتمدة، الشركاء، الصرافات الآلية لبنك الإسكان وجميع الصرافات المحلية
  •  التسوق أونلاين واستخدام البطاقة المرافقة خلال السفر
  • الدفع عن طريق رمز الاستجابة السريع QR
  • شراء القسائم الإلكترونية
وين بقدر أودع بمحفظتي؟
  • مستخدمين Orange Money بيقدروا يودعواعن طريق؟
  • معارض Orange
  • نقاط البيع المعتمدة
  • شركاء Orange Money
  • مجموعة مختاره من محطات توتال
  • بدون بطاقة من خلال شبكة الصراف الآلي لبنك الإسكان
  • الايداع بدون بطاقة من خلال شبكة الصراف الآلي للبنك الاردني الكويتي والبنك العربي و بنك القاعرة عمان و بنك كابيتال
  • الإيداع من خلال eFAWATEERcom "تغذية محفظة Orange Money من خلال حسابك البنكي"
هل في حد أدنى لازم أحافظ عليه بمحفظتي؟
  • لأ، ما في حد أدنى لرصيد المحفظة.
كيف بقدر أسحب مصاري؟
  •  من خلال معارض Orange
  •  نقاط البيع المعتمده
  •  شركاء Orange Money
  •  مجموعة مختاره من محطات توتال
  •  ببطاقة أو بدون من خلال شبكة الصراف الآلي لبنك الإسكان
  • السحب بدون بطاقة من خلال شبكة الصراف الآلي للبنك الاردني الكويتي والبنك العربي وبنك القاهرة عمان وبنك كابيتال
  • من أي صراف آلي محلي أو دولي بيعتمد بطاقة فيزا المرافقة لمحفظة Orange Money
كيف بقدر أحول مصاري من محفظتي لمحفظة أخرى؟
  •  من خلال تطبيق Orange Money:
    عليك الدخول على حسابك بتطبيق Orange Money، واختار "تحويل الأموال"، ومن خلال هاي الشاشة بتدخل رقم الموبايل اللي بدك تحول الاموال عليه مع المبلغ المطلوب، وبتقدر تضيف أي ملاحظات على عملية التحويل. بعد ما تنجح عملية التحويل رح توصلك رسالة قصيرة فيها تفاصيل التحويل.
  •  قائمة USSD (*999#) لمشتركين Orange خلوي فقط
    تحتاج إلى اتباع الخطوات في USSD
كم المدة الزمية اللي بحتاجها لأكمّل الدفعات من خلال Orange Money؟
  • الحركات المالية هي عمليات فورية. رح توصلك رسالة قصيرة خلال ثواني عن كل عملية ناجحة مع كل التفاصيل بما فيها رصيدك الجديد، ورح تقدر تشوف مباشرة كشف حسابك المختصر الموجود في التطبيق.
بقدر أحصل على أكثر من محفظة وحدة من Orange Money؟
  • بتقدر تفتح لغاية محفظتين على الاكثر لكل هوية شخصية، وكل محفظة يجب ان تكون مربوطة برقم خلوي واحد.
بقدر أخلّي الاموال بمحفظتي بأمان؟
  • أكيد بتقدر, محفظة Orange Money آمنة تماما للحفاظ على أموالك ، لأنه بالإضافة البنك المركزي الأردني بيحتفظ بسجلات لكل الحركات المالية لمنع أي عملية احتيال.
    إذا شكّيت إنه في حدا انتحل شخصيتك و بياناتك الخاصة، غيّر كلمة المرور مباشرة من خلال تطبيق Orange Money، أو تواصل مع مركز خدمات المشتركين على 0777700141 او 1441، أو من خلال البريد الإلكتروني لمركز خدمات Orange Money (orangemoney.care@orange.com)
شو بيصير بمحفظتي إذا غيّرت رقم موبايلي؟
  • لازم تزور أي من معارض Orange وتقدّم طلب لتعديل رقم موبايلك وتعبّي نموذج الإلغاء وتوقع عليه.
كيف بيتم تنظيم خدمات Orange Money؟
  • Orange Money هي مزود خدمات دفع مرخصه من البنك المركزي الأردني
هل بقدر أوصل لحسابي من أي مكان بالعالم؟
  • نعم, بتقدر توصل لمحفظك من أي مكان بالعالم وتعمل كل الحركات المالية.
شو بعمل لو حوّلت الاموال لرقم خاطئ؟
  • أي عملية تحويل بتعملها رح يتم تأكيدها من خلال رسالة تأكيد عبر التطبيق قبل ما تكتمل العملية.بس للأسف، بمجرد ما تأكد العملية ما بتقدر تسترجع المبلغ المرسل.
هل بحتاج موبايل ذكي عشان أستخدم Orange Money؟

كل أنواع الموبايلات بتدعم Orange Money. كل اللي بتحتاجه هو رقم خلوي فعال.

  •  للموبايلات الذكية بتقدر تستخدم تطبيق Orange Money من خلال الروابط التالية: IOS ، Android
  •  للموبايلات العادية (الغير ذكية) بتقدر تستخدم قائمة USSD *999# (لمشتركين Orange فقط.)
هل يوجد حد أدنى للمشتريات، التحويلات، السحب والإيداع؟

لمعرفة الحد الأدنى للمشتريات، التحويلات، السحب والايداع يرجى زيارة صفحة رسوم وحدود المعاملات

شو بعمل لو ما وصلني إشعار بعد عملية الشراء أو التحويل؟
  • يرجى الاتصال بمركز خدمة عملاء Orange Money للتحقق من المعاملة رح نقوم بمساعدتك من خلال التأكد من سجل الحركات على النظام ومحفظتك
هل بقدر أغلق محفظتي؟ كيف؟
  • نعم بتقدر تغلقها من خلال زيارة أي من معارض Orange, ,بس لازم تسحب كل رصيدك من المحفظة وتعبّي طلب الإلغاء.
هل يوجد أي رسوم شهرية أو سنوية حتى تضل محفظتي مفتوحة؟
  • لا يوجد أي رسوم شهرية أو سنوية، بس لازم تخلّيها فعالة من خلال إجراء الحركات المالية ، لأنه إذا ما كانت المحفظة فعّاله لمدة سنة رح يتم تجميد محفظتك تلقائياً ورح يتم استيفاء عمولة حساب جامد 2 دينار بالشهر
هل بقدر أستخدم محفظتي حتى لو كان رقمي مفصول؟
  •  نعم بتقدر، بس لما بدك تعمل حركة بتحتاج لكلمة مرور لمرة واحدة، لازم يكون خطك فعال على الأقل لاستقبال الرسائل.
  •  وإذا بدك تحوّل لخط فعال جديد، لازم تزور أي من معارض Orange بالمملكة, لتعبّي طلب التعديل وتغيّر رقمك، ورح تكون المحفظة فعالة مباشرة على الرقم الجديد.
هل بقدر أغيّر رمز Pin لبطاقتي المرافقة؟
  • لا
شركاء Orange Money:
  •  توتال
  •  الامارات للصرافة
  •  السعودي للصرافة
  •  هاني السعودي للصرافة
  •  مشربش للصرافة
  •  شركة خليل الرحمن للصرافة
  •  ابو شيخة للصرافة
  •  العلمي للخدمات المالية
  •  زمزم للصرافة
  •  الشروق للصرافة
  •  البريد الاردني
  • الفحيص للصرافه
  • الموسى للصرافه
  • سحلول للصرافه
هل يستطيع مشترك Orange Money شبك بطاقة الفيزا المرافقة للمحفظة بخدمة PayPal؟وهل يستطيع التحويل من حساب PayPal الى بطاقة الفيزا المرافقة للمحفظة؟

نعم, يستطيع مشترك Orange Money شبك بطاقة الفيزا المرافقة للمحفظة بخدمة PayPal للقيام بالمشتريات, اما بالنسبة للتحويل وباقي الخدمات غير متوفره حاليا

ماذا سيحدث إذا كانت المحفظة مجمدة وكان الرصيد أقل من 2 دينار؟

إذا كان رصيد المحفظة أقل من 2 دينار ، فسيتم اقتطاع المبلغ الموجود بالمحفظة.

ماذا سيحدث إذا كان رصيد محفظتي صفرًا وكانت حالة محفظتي مجمدة؟ هل سيتم اقتطاع 2 دينار من رصيد محفظتي وسيصبح بالسالب؟

سيتم الاقتطاع فقط على المحافظ التي تحتوي على رصيد .

عند إعادة تنشيط محفظتي ، ما هي المدة التي ستستغرقها حتى تعود إلى حالة التجميد؟

سيتم تنشيط المحفظة لمدة عام واحد

هل سيتوقف الاقتطاع إذا قمت بتنشيط محفظتي؟

نعم

هل يتم الاقتطاع رسوم التجميد في بداية كل شهر أم في نهايته؟

سيبدأ الاقتطاع في الشهر التالي بعد التجميد في اليوم الثامن والعشرين من كل شهر

ما هي اقل قيمة يمكنك ايداعها بمحفظتك عن طريق الايداع من البنك للمحفظة ؟

 

اقل قيمة يمكنك ايداعها بمحفظتك عن طريق الايداع من البنك للمحفظة من ايفواتيركم هي 5 دنانير ومن خلال خدمة كليك تعتمد على القيمة المحددة من البنك

شو هي القسائم الكترونية؟

القسائم الإلكترونية هي بطاقات مدفوعة مسبقاً مشحونة بمبلغ معين بتقدر من خلالها تشتري تستخدم وتنزل التطبيقات أو الالعاب أو الفيديوهات أوالمحتويات المفضلة.

كيف بقدر أدفع للقسائم الإلكترونبة اللي بشتريها من تطبيق Orange Money؟

 

بتقدر تدفع للقسائم الإلكترونبة مباشرة من خلال محفظة Orange Money.

كيف بقدر أشتري قسائم الكترونية من خلال محفظة Orange Money؟

بتقدر تشتري القسائم الإلكترونية المفضلة عندك من خلال محفظة Orange Money عن طريق الخطوات التالية:

  • ادخل على تطبيق Orange Money Jordan
  • اختار القسائم الإلكترونية
  • حدد القسيمة الإلكترونية اللي بدك تشتريها من القائمة أو بتقدر تستخدم الفلتر لحتى تقدر تلاقي القسيمة الإلكترونية المطلوبة بسهولة, ثم الضغط على التالي
  • بتحدد المتجر اللي بدك ياه لهاي القسيمة الإلكترونية وفئة القسيمة، وبتضغط على الشراء و التفاصيل
  • تأكد من معلومات القسيمة اللي بدك تشتريها و بعد قراءة الشروط و الاحكام و الموافقة عليها اضغط على شراء
  • رح تظهرلك شاشة للتأكيد على عملية الشراء، ورح يظهرلك سعر القسيمة بالدينار الاردني ، اللي رح ينخصم من محفظتك ,بعدين اضغط على تأكيد
  • وهيك بتكون اكتملت عملية شراء القسيمة بنجاح، ورح يظهرلك رقم القسيمة اللي بتقدر تنسخه أو تشاركه. وإذا بدك تشيّك على القسائم اللي عندك، بتدخل على قسائمي الإلكترونية، ورح تظهر عندك كل تفاصيل القسائم اللي اشتريتها، وبتقدر ترجع تنسخها أو تشاركها.
كيف بقدر أشوف كل القسائم الإلكترونية اللي اشتريتها من تطبيق Orange Money؟

رح تلاقي كل القسائم الإلكترونية التي اشتريتها في خانة "قسائمي"

كيف بقدر أشوف تفاصيل القسائم الإلكترونية اللي اشتريتها من تطبيق Orange Money؟

رح تشوف كل القسائم الإلكترونية التي اشتريتها في خانة "قسائمي" وبتقدر تضغط على"عرض التفاصيل" لحتى تشوف كل تفاصيل البطاقه

شو بعمل إذا اشتريت قسيمة إلكترونية وما ظهرت عندي على التطبيق؟

اتصل على 1441 من Orange أو 0777700141 من الشبكات الأخرى.

شو بعمل إذا اشتريت قسيمة إلكترونية وما قدرت أستبدلها من الموقع اللي بدي ياه ؟

اتصل على 1441 من Orange أو 0777700141 من الشبكات الأخرى، ورح نكون سعيدين بخدمتك.

شو الفرق بين فئة القسيمة الإلكترونية وسعرها؟

الفئة هي القيمة اللي بتلاقيها بحسابك لما تستبدل القسيمة من منصة معينة. أما السعر فهو سعر الفئة بالدينار الأردني.

شو هي ميزات القسائم الإلكترونية من Orange Money؟
  •  متوفرة على مدار الساعة وطيلة أيام الأسبوع
  •  استخدامها سهل وآمن وبدون خطوات معقدة
  • رح تحصل على البطاقة المطلوبة فوراً وبعد إتمام عملية الشراء
كم مدة صلاحية القسائم الإلكترونية ؟

مدة صلاحية القسائم الإلكترونية 6 أشهر من وقت الشراء.

شو هي العملة المستخدمة للدفع للقسائم الإلكترونية ؟

العملة المستخدمة هي الدينار الأردني.

هل رح يشتغل رمز القسيمة الإلكترونية ازا اشتريته من متجر غير عن المتجر اللي بستخدمه لحسابي؟

لا، اذا اشتريت قسيمة من متجر غير المتجر الذي تستخدمه لحسابك الرمز ما رح يشتغل، لانه لازم يتطابق بلد حسابك مع المتجر اللي تم شراء منه رمز القسيمة الالكترونية

ما هو الدفع برمز الاستجابة السريع؟

رمز الاستجابة السريعة هو طريقة من طرق الدفع الاكترونية الحديثة الآمنة المقدمة الآن من Orange Money حيث يمكن قراءة رمز مشفر بواسطة معظم كاميرات الهواتف الذكية.

أين استطيع استخدام رمز الدفع السريع؟

يمكنك الدفع باستخدام رمز الاستجابة السريع في جميع معارض Orange، للتأكد من قائمة المعارض يرجى الضغط على الرابط التالي:https://oran.ge/2L4KTTX

هل خدمة الدفع باستخدام رمز الاستجابة السريع مجاني؟

خدمة الدفع باستخدام رمز الاستجابة السريع مجانية

كيف يمكنني الحصول على الدعم الفني؟

موظفينا في قسم خدمة العملاء على أتم الاستعداد لمساعدتك، يرجى الاتصال على 1441 أو 0777700141 من الشبكات الأخرى للحصول على المزيد من المعلومات

ما هو نظام كليك؟

كليك هو نظام للدفع الفوري تمتلكه وتديره شركة جوباك. ويتيح النظام التحويل الفوري للأموال

من يستطيع الاستفادة من خدمات نظام كليك؟

حالياً بإمكان عملاء محفظة Orange Money و عملاء البنوك المربوطة على النظام الاستفادة من خدمات النظام.

ما هو السقف الاعلى لحولات كليك باليوم؟

يطبق سقف الحوالات المحليه و هي 10 تحويلات باليوم

هل يوجد رسوم على عملية التحويل؟

لمعرفة رسوم عملية التحويل كليك يرجى زيارة صفحة رسوم وحدود المعاملات

ما هي خطوات اضافة اسم مستعار جديد؟
  • اذا كنت ترغب في انشاء اسم مستعار جديد لنظام كليك يمكنك:
  • قم أولاً بتحديث تطبيق محفظة Orange Money من خلال متجر التطبيقات على هاتفك النقال App Store أو Google Play او Huawei app Gallery ثم ادخل على التطبيق
  • الدخول على محفظة Orange Money الخاصة فيك
  • ثم اضغط على "كليك" من القائمة الجانبيه
  • يمكنك اضافة اسم مستعار اما بصيغة ابجدي/رقمي او صيغة بريد الالكتروني
  • ثم اضغط على حفظ
  • يمكنك اضافة 5 اسماء مستعارة على الاكثر ويمكنك تحديد اسم مستعار رئيسي
  • ويمكنك التحكم بتعطيل والغاء الاسماء المستعارة
كيف بستخدم خدمة كليك؟
  • قم أولاً بتحديث تطبيق محفظة Orange Money من خلال متجر التطبيقات على هاتفك النقال App Store أو Google Play او Huawei app Gallery ثم ادخل على التطبيق.
  • اضغط على (تحويل الاموال)
  • ادخل الاسم المستعار لخدمة كليك المراد التحويل له (الاسم المستعار للبنك او للمحفظة الالكترونية)
  •  ثم اضغط على ارسال
كيف بقدر احوّل المصاري دولياً من خلال محفظة Orange Money؟

ما عليك إلا إنك:

  • الدخول لمحفظة Orange Money
  • اختيار الحوالات الدولية
  • اختيار ارسال حوالة
  •  اضافة الجهة المستقبلة للحواله : بتضيف الشخص اللي بدك ترسله الحوالة
  •  بتدخّل تفاصيل التحويل: اضافة تفاصيل عملية التحويل اللي بتشمل (الدولة، طريقة الاستلام، الارسال عن طريق،فرع الاستلام،المبلغ) ثم التالي
  •  بتدخّل معلومات مستقبل الحوالة (المستفيد) اضافة معلومات مستقبل الحوالة اللي بتشمل (الاسم، الجنسية، العنوان، رقم الهاتف، طبيعة علاقتك فيه والهدف من التحويل) ثم التالي ويمكنك تخزين وحفظ معلومات المستفيد للحوالات المستقبلية
  • وفي اخر خطوة سيظهر ملخص للحوالة وفيه التفاصيل والمعلومات التي تم ادخالها للتأكيد عليها
  • وبعد قراءة الشروط والاحكام والموافقة عليها يمكن الضغط على التحويل
  • وعند الانتهاء سيظهر رقم الحوالة التي يمكن مشاركتها مع المستفيد او يمكن نسخها
  •  وبعد مرحلة معالجة الحوالة من قبل الشركة ستصل لك رسالة بتفاصيل الحركة
شو هي الدول الي بقدر ارسل و استقبل عليها الاموال؟

بتقدر ترسل وتستقبل الاموال دولياً لأكثر من 200 دولة حول العالم

شو اكبر مبلغ بقدر أرسله او استقبله؟

حسب تعليمات البنك المركزي الأردني، الحد الشهري الأقصى للمبلغ الإجمالي للتحويلات الصادرة أو الواردة لكل عميل ما لازم يتجاوز 5000 دينار أردني أو ما يعادلها من العملات الأجنبية.

كيف بقدر اعرف اذا تمت الموافقة على التحويل؟

بتقدر تشيّك حالة تحويلاتك بأي وقت من خلال التطبيق عن طريق الخطوات التالية:

  •  بتدخل على تطبيق محفظة Orange Money Jordan
  •  بتختار "تحويل الأموال دولياً"
  •  بتختار "سجل الحركات"
  • وبعدين بتقدر تشوف حالة تحويلاتك
بقدر ألغي حواله بعد ما ارسلتها؟

لا

بقدر أحصل على وصل لحركاتي المالية؟

كل وصولاتنا إلكترونية، بتقدر تحمل او تشارك ايصال حركات التحويل من خلال خانة كشف الحساب المختصر

بقدر أحوّل المصاري لحساب بنك؟

نعم, بتقدر ترسل المصاري لحساب بنكي إذا كان هاد الخيار متوفر ببلد المستقبل

كم تكلفة ارسال حوالة دولية من محفظتي؟

رسوم ارسال الحوالات من المحفظة تعتمد على البلد المرسل له وقيمة الحوالة

شو في نصائح لازم أخليها في بالي كمان؟
  • تأكد دايماً إنك بتعرف هوية الشخص اللي عم بتحوّله مصاري
  • افصل المكالمة إذا طلب منك المتصل إنك تجاوب عن أسئلة من ويسترن يونيون
  • الأمن مسؤولية الجميع. خلّيك على اطّلاع دايماً على أحدث أساليب الاحتيال

هل لديك سؤال جديد؟ انشر سؤالك هنا وسنجيب